DaUd....

aaj dopahar ko "DIL CHAHTA HAI" movie dekh rahi thi.....


bahut sari purani yaadein taaza ho gayi.....


kuch aise lamhe yaad aa gaye jo maine aapne doston ke saath guzarey the....


ye aaj se 4 saal phele ki baat hai.....jab main graduation kar rahi thi.....
ye second year ka ek kissa hai....


college main jati toh akeli thi par...... aksar aati akeli nahi thi....
aatey waqt mere do acche dost humesha aksar mere saath hotey linu aur jinu...
ye dono alag department se they....par hum teno best friends they......
jinu ko main apne 12th se janti thi....hum dono ek hi intermediate college main they aur same tutorial main bhi they.....phir hum dono ne same college main bhi admission liya par dono ne subjects alag liye.....
linu....jinu ke hi department ki thi....dono acche dost they...phir jinu ne linu ko mujhe se introduce karaya to hum bhi acche dost ban gaye....
hum aksar saath main aaya jaya kartey they....
college jatey waqt to kabhi masti nahi kartey they par aate waqt teno saath rahe toh bahut masti kartey they.....
college jate waqt rastey main aksar ek pagal ghuma karta tha woh kisi ko tang nahi karta tha........humesha aapni dhun main rehta tha.....apni hi duniya main khush rehta tha.....
mere ghar se college jate waqt 2 choti si chadai aati thi.....aur aatey waqt 1 bahut lambi si chadhai aati thi.....
jab hum teno saath jatey they....tab sab se phele main cycle se uthar jaya karti thi......main kehti thi aur mujhe se nahi hoga.....
linu humesha mera majak udati...ki moti tujhe se ye choti si chadhai bhi nahi chadi jati.....
hum teno main sabse moti main hi thi.....
jinu thik thi....
linu humari kareena hahaha miss zero size figure...
aur main humare group main sab se moti....
linu aur main ek dusarey ka majak udaney main kabhi peechey nahi haatey they.....jab bhi mauka mila ek dusarey ki tang kichtey they....
hum ek dusarey ka bahut majak udatey they.....woh mujhe moti bulati aur main usko pimpudi(ant in oriya),chemidi(chamelion in oriya)jhitipiti(lizard in oriya),budhiyani(spider in oriya)....in naamo se bulaya karti thi.....


 ek baar ki baat hai....
hum teno college se laut rahe they....
shayad 3 ya 3:30 baje hongey....bahut dhup ho rahi thi us din.....
woh badi wali chadai jab aayi toh hum teno cycle se utar gaye they....
raste main pani puri khai humne phir se chal diye...
pata nahi kya ho gaya tha us din us pagal ko....
hum teno aapne raste ja rahe the woh humare pichey duadne laga....
oh my god
kya kare kuch samjh main nahi aa raha tha...
hum teno bahut daar gaye the....aur jitna teej ho sakta tha baghney ki kosis ki...
woh chadhai kafi lambi thi....
usmain daud pana humarey liye bahut muskil tha ek toh din bhar ki college ki thakan upar se cycle,heavy bags upar se chadhai.....
hum teno jitna bhag saktey they bhagey......
in sab main sab se funny ye tha ki.....
jab kabhi hum saath jatey the main humesha sab se phele cycle se utar jati thi aur cycle chalatey waqt meri saans ukhadney lagti thi....aur linu mera humesha majak udati thi ki "kya asthama patient ki tarah saans le rahi hai" ....
aur jab hum teno ke pichey pagal dauda tha....hum teno main se sab se teej main hi bhagi thi....woh dono mere pichey they...
phele toh humara daar ke mare chehrey se rang udd gaya tha baad main jab chadhai chadtey waqt thak gaye toh aram se chalne lage kaha "jo hoga dekha jayega"....
linu to bol rahi thi aane do us pagal ko pass....mere pass aaya toh cycle utha ke fek dungi......maine hans ke kaha madam aapna college bag toh aapse uthaya nahi jata cycle kya uthaogi????
jinu toh bahut ghabara gayi thi.....
main bhi bahut daar gayi thi....kya karey kuch samjh main nahi aa raha tha...
humari kismat acchi hai us pagal ne kuch nahi kiya....
ab pagal toh pagal hai phele humarey pichey daud raha tha phir ek bike wale ke pichey daudne laga aur hum teno ka picha chod diya.....


aaj bhi ye baat yaad kar ke bahut hansi aati hai...un lamho par....